الرئيسية / عيون أدب وأدباء / ” يا موج البحر ” كلمات الشاعر : محمد السيد رشوان

” يا موج البحر ” كلمات الشاعر : محمد السيد رشوان

 

 

 

يا موج البحر يا معاود على الشطئان

روح قول لحبيبى فى الغربه مالكش مكان

مكانه ف قلب احضانى

ووعد يا موج لو جانى

هصونه بروحى وكيانى

دى صورته ف عقلى وخيالى

ومحفوره على الجدران

يا موج البحر يا معاود على الشطئان

ابعت له وقول له من قلبى لقلبه سلام       

سلام شايل ف احضانه عتاب وملام         

وقوله إذاى وليه قادر على الغربه ؟!!       

وقوله يا موج انا ايامى من غيره بقيت صعبه     

ولا انت إخطارت تهجرنى وقلبى شاريك؟    

ولا انت عرفت ف الغربه حبيب وشريك ؟   

وهات لى يا موج جواب منه وفيه كلمه

تتطمنى على حالى                

وهات لى حاجه من ريحته وللذكره          

وقول له عيونه وحشانى               

وعيونى تملى بتدور على عيونه 

ف كل مكان       

                

يا موج البحر يا معاود على الشطئان

يا موج البحر ما تشوف لى ف هجره خلاص

مافيش ولا حاجه حيشانى عن بعده غير الاخلاص

وقوله لو حابب يبعد بلاش ياموج يعشمنى

وقوله لو عايز يهجر ياريت يا موج يفهمنى

عشان اعمل بقى حسابى وقلبى خلاص ما اعزبهوش

ولو حب جديد طرق بابى انا افتحه ولا اكسفهوش

او هات لى يا موج جواب منه وفيه كلمه

تتطمنى على حالى                

وهات لى حاجه من ريحته وللذكره          

وقول له عيونه وحشانى               

وعيونى تملى بتدور على عيونه 

ف كل مكان    

 

يا موج البحر يا معاود على الشطئان

من ديوان ( بحور الحب والهجران )

 

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *